Alþjóðleg hundasýning Hundaræktarfélags Íslands fer fram helgina 28. - 29. ágúst 2010 í Reiðhöll Fáks í Víðidal í Reykjavík. Skráningafresti lýkur föstudaginn 30. júlí 2010

Skráning á sýninguna fer fram í gegnum öruggan vefþjón hér
Að auki er hægt að senda skráningu með pósti eða faxi.
Skráningar sem berast með tölvupósti (að undanskildum ungum sýnendum) eða í gegnum síma eru ekki teknar gildar.
Greiða þarf fyrir sýninguna með greiðslukorti eða koma við á skrifstofu félagsins, ekki er tekið við greiðslu í gegnum heimabanka.

Þátttökurétt hafa hundar sem eru með ættbók frá HRFÍ.

Skráning í afkvæma- og ræktunarhópa fer fram á sýningunni sjálfri. Þátttaka skal tilkynnt til viðkomandi hringstjóra.

Keppni ungra sýnenda fer fram föstudaginn 27. ágúst.

Skráning fyrir unga sýnendur er í gegnum: hrfi@hrfi.is
Senda þarf:
Nafn þátttkanda:
Kennitölu:
Heimilisfang:
Símanúmer:
Netfang:
Greiðslukortanúmer verður að fylgja skráningu.
Mjög mikilvægt er að í "Subject" sé skráð: Ungir sýnendur - skráning á ágústsýningu.

Þeir sem þurfa að skrá got og/eða innflutta hunda í ættbók HRFÍ sem sýna skal á haustsýningunni eru beðnir að ganga frá skráningu einni viku áður en skráningafresti lýkur til að tryggja að hundur komist á sýninguna.

Upplýsingar um hvaða gögn þarf til að skrá hunda í ættbók má nálgast hér.

Dómarar að þessu sinni eru: Bo Skalin (Svíþjóð), Brenda Banbury (Bretland), Colm Beattie (Írland), Igor Selimovic (Króatía), Rita McCarry Beattie (Írland). Dómari ungra sýnenda verður Colm Beattie frá Írlandi.

Á þessari sýningu geta hundar fengið bæði íslensk- og alþjóðleg meistarastig.

Að venju er öllum deildum félagsins boðið að vera með kynningarbása þar sem kynning fer fram á starfsemi deildanna og þeim hundategundum sem þeim tilheyra.

Sýningar félagsins eru kjörinn vettvangur fyrir fólk sem er að leita sér að hundi/hundategund að koma og sjá og hitta eigendur og ræktendur tegunda.

Þeir sem hafa áhuga á að auglýsa í sýningaskrá geta nálgast upplýsingar hér.

Þeir sem vilja vera með sölu- og eða kynningarbás á sýningunni sjá hér.

Upplýsingar um sýningarþjálfun fyrir allar tegundir verður að finna hér.